藝人滕麗名昨日現身電視城為劇集《愛．回家之開心速遞》開工，腳傷未愈的她同時兼顧另一劇集《陀槍師姐2020》拍攝，日前更拍飛車戲，幸好不算太複雜，她說：「腳傷其實唔係滑雪整親，而係旅行期間行樓梯差錯腳。依家未好番，日前我開工又再喺樓梯『跪拜』，搞到工作人員好緊張。」她打趣由於腳傷骨頭要接受特別治療來愈合，所以痊愈後她會「硬骨頭」：「好記得以前有相士話我，天生骨格精奇，可能就係咁意思。人哋話我嘅傷勢應該一個月落唔到床，我不但落到床，兩個半月仲要復工，真係好硬淨！」
