前港姐馮盈盈與戴祖儀兩位美女，前日在街上路邊花叢與含毒性的夾竹桃合照，疑因此出現頭暈、頭痛兼作嘔徵狀，嚇得馮盈盈網上向網民尋求解毒良方。
馮盈盈與戴祖儀（Joey）因合作而成為好友，前日二人工作完畢後結伴離開，期間發現路邊花叢有靚花，誤以為是櫻花便上前合照留倩影，誰知回家後二人不約而同感到不適，出現頭暈、頭痛兼作嘔徵狀，經翻查資料後，始知可能與含毒性的夾竹桃近距離接觸有關。
盈盈受訪時說：「依家冇事，放心！當時同Joey去停車場拎車見到路邊有棵花好靚，大家喺樹下影咗十五分鐘相，事後佢同我講原來係夾竹桃，仲有劇毒。依家先知點解頭痛同作嘔。」她亦在網上發文：「故事教訓路邊的野花不要採，差點因為影相而中毒的兩位少女，無啦啦變咗生死之交。珍惜生命，遠離野花。學是學非不如做香港有毒植物專輯，教我哋明辨毒花毒草。」她還發文向Joey道歉：「對唔住，係我發現啲花先，係我差啲害咗你。」並向網民請教如何解毒。
同樣感到頭暈的Joey受訪時，表示當上載相片到社交網時，看到網民留言始知是夾竹桃，她說：「我即刻上網查到好多資料。喊出嚟，原來呢種花叫夾竹桃係有毒。我見頭暈，不過唔確定關唔關花事。而影相嗰陣唔多唔少都掂到少少啲花，今次做咗個錯誤示範，希望大家小心啲。」