體重超過200磅嘅重量級諧星渡邊直美，最近做「宅女」避疫，點知因禍得福瘦咗！前晚佢喺屋企透過視像參與綜藝節目，自爆以往日日食街外飯，大魚大肉，喺屋企隔離就自己煮，每日只食一餐，結果短短幾星期就減咗11磅！而另一節目就公開佢過去做Gym嘅畫面，綁住雙腳健身嘅佢，似足被吊起嘅吞拿魚，令觀眾笑爆嘴！