衛詩雅拐住復工 撲水供樓
女星衛詩雅去年滑雪跌斷腳骨，停工療傷4個月仍未康復，零收入又要供樓，原定暑假開拍新戲，但隨時因腳傷未愈被迫辭演，雪上加霜！她日前急不及待復工，即使戴住腳箍亦頂硬上出關，見她行路時仍一拐一拐，更需助手攙扶，我見猶憐！
衛詩雅（Michelle）去年平安夜去北海道滑雪，豈料樂極生悲，在雪山躍下致左腳斷骨，返港後即接受物理治療，並一直撐拐杖。其康復進度緩慢，花了4個月仍未能行動自如，令她心急如焚。
龜速移動要人扶
去年榮升業主的她曾哀求經理人積極安排工作，以應付每月兩萬多元的供樓費用，惟她傷腳後即宣告停工，加上新冠肺炎疫情肆虐，至今已數個月零收入，只能用儲蓄供樓。
與其「坐以待斃」，Michelle日前冒險復工，為新劇進行閉門宣傳。見其左腳戴上腳箍，在助手攙扶下現身觀塘工廠區，行路時一拐一拐，緩慢地橫過馬路買飲品，之後再以龜速步行到附近的零食店，巡視一輪就捧走幾包零食。不過，行動不便的她非常論盡，不慎弄跌手上的零食，正打算腳震震烏身拾起之際，獲熱心街坊伸出友誼之手相助，Michelle連聲道謝，付款後再以龜速步入一幢商業大廈。
擔心被迫辭演新戲
據知Michelle已因腳傷推掉一套劇集，現時手上除了宣傳ViuTV新劇外，另計劃暑假開拍新戲，需於6月進行前期準備，若然屆時仍未痊愈，她極有可能要辭演。問到康復進度，Michelle受訪時表示：「依家叫做好番8成，但未着到高踭鞋，行得耐隻腳會扯住，因為左腳下半截骨斷開咗，要等佢生番埋。醫生話做任何嘢都冇用，盡量唔好行，冇藥食。（供樓有困難？）呢段時間隻腳係有影響，惟有用住儲備先。（隻腳未好番就拍唔到新戲？）希望快啲好番，會勤力做物理治療。我梗係想拍啦，停工咁耐，係時候開工搵錢。」