最強影帝周潤發好運 無敵影后蕭芳芳最神

至於「影后中的影后」方面，候選名單包括《女人四十》蕭芳芳、《胭脂扣》梅艷芳、《新不了情》袁詠儀、《花樣年華》張曼玉及《忘不了》張栢芝，結果由蕭芳芳奪41票跑出！她幽默地以《胡不歸》曲詞來形容心情：「我嘅心又喜，我嘅心又慌」，笑言是大家「敬老」才造就她獲獎。

周潤發對於今次能夠揮低一眾重量級對手獲獎，謙稱全靠好運，遇上好角色及好團隊：「好多謝大家對我嘅愛戴，其實我係好運，喺唔同年代嘅電視、電影都有好角色畀我發揮，如果冇出色嘅編劇、導演以及台前幕後嘅工作人員付出，我一個人做鬼都唔靈啦！」

冇睇過《上海灘》！

由電視劇《上海灘》的許文強，到電影《英雄本色》的Mark哥及《秋天的童話》的船頭尺，悲喜角色統統演過，問到最愛哪個？周潤發竟「驚爆」自己沒看過一集《上海灘》：「八十年代初要拍嚟同對台搶收視，邊拍邊出街，我哋日拍夜拍，邊有機會望吓自己嘅演出？所以我到依家都未睇過一集《上海灘》（口架）！」雖然日以繼夜拍攝，令他難以細記每個角色，但有些珍貴片段卻永遠留在腦海：「每做完一個角色就會將『佢』拋諸腦後，『佢』喺鏡頭前做過啲乜、講過啲乜嘢對白，我完全Delete晒，留低只有同一班工作人員嘅美好回憶。」

蕭芳芳憑《女人四十》成為「影后中的影后」，實至名歸，她受訪時幽默笑唱《胡不歸》，然後發表得獎感受：「感謝咁多位同行對我嘅厚愛，你哋真係將優秀嘅『中國傳統文化』發揚光大！呢個文化係咩？依家我深深感受到，就係『敬老』呀，哈哈！」

縱橫娛圈數十載，蕭芳芳演過無數角色，最喜歡及最深刻的是與謝賢合演、龍剛執導的《窗》，她說：「我好鍾意嗰個盲女角色，亦因為龍剛『導』我『演』嘅方法，令我明白演技嘅至高境界係入神忘我、天機自動。不過我功底差，呢種境界完全由不得我掌控。」近年圈中有不少後輩表現亮眼，問到可有比較喜歡的人選？她笑言不敢說：「呢條問題有啲啲陷我於不義，哈哈！想我得罪人喎！其實邊個係最好，相信大家心中有數，因為觀眾嘅眼睛係雪亮。」

跟周星馳學嘢！

對於周潤發在今次選舉成為「影帝中的影帝」、周星馳執導的《少林足球》則封「至尊金像電影」，蕭芳芳大讚實至名歸：「好喜歡睇《英雄本色》內嘅Mark哥周潤發，發仔真係好好戲！」她同時大讚《少林足球》：「星仔嘅喜劇節奏真係一流，我非常欣賞，有幸合作過《新精武門》同《漫畫威龍》，過程中，『我學到好多嘢』！」