Aka「復古」玩女人味 唔敢亂郁
組合Super Girls隊長Aka拍攝新一輯造型照，事前她做足防疫措施，帶定消毒水化身「清潔工」︰「喺疫情下去拍嘢，我帶咗消毒水同酒精噴霧，所有地方都消毒得好徹底，希望大家工作時都安全！」
當日她拍攝了10個造型，以懷舊復古為主題，她笑言是女人味最重一次，還出動了復古長裙︰「呢條裙我超級鍾意，我問時裝師幾錢，先知超級貴近6位數字，着完後我就變得好斯文，唔敢周圍郁，因為條裙好貴，怕整污糟或者整爛。」她笑着自爆為今次拍攝，戒吃成個月最愛的消夜，又在家中勤做健身：「因為我驚拍攝時着唔落。」