港男戰友數黑歷史
跟黎振燁同屆參選港男的梁裕恆（Flow），在社交網發文力數對方參選時的黑歷史，指對方「惡心」！Flow留言：「當年扮好男人真係極嘔（惡）心，一大班港男港姐傾偈，佢刻意行開話『我唔可以同其他女仔傾偈，費事老婆介意』，做畀工作人員睇，做畀高層睇，但真係over咗囉！一大班人閒話幾句正常社交，依家又唔係叫你單獨去荒山野嶺，有咩問題？」
Flow愈鬧愈火：「好多人以為佢係好男人，依家老婆大住肚都偷食係『賤中之賤』，唔係一般人做得出，你有性需要真係忍唔到，最多咪去叫X。大佬，你老婆佗住你個BB！真係好男人唔使日日搬個老婆出嚟掛喺嘴邊唸咒咁，我係好男人我係好男人X100！」