鄧佩儀自認易氹 送「珍奶」就冧
鄧佩儀（Gloria）與王梓軒在無綫熱播劇《機場特警》中發展戀情，Gloria的爆喊戲獲網民激讚，安慰她的梓軒亦大獲好評，被讚是暖男！這對CP日前在Instagram直播，隔空炮製大熱的「400次咖啡」兼分享情史。Gloria自認是「珍珠奶茶怪」，開唔開心都會飲：「如果想追我，得閒無事買畀我，會好窩心。」
身在洛杉磯的梓軒自爆曾寫情信向女仔示愛，Gloria亦有過難忘情人節：「大學每到情人節，學生都會搞Event，如果你想秘密送花同Note畀鍾意嘅人，畀錢佢哋就會去對方課室代送。我每年都好期待有男仔送，但一次都冇，反而我有買畀暗戀嘅同學。」