趙希洛男友身份保密：離婚先公開

無綫藝人趙希洛近年屢演瘋癲角色獲認同，目前四劇在手，事業順利加上出身富裕，堪稱人生勝利組，不過她希望低調處理家事及感情。原以為她情路上交白卷，她卻俏皮表示：「你又知我冇？可能我分別同10個男仔拍拖呢！」

不想與家人掛鈎

之後趙希洛收起笑容，認真回應：「有（男友），少講啫。（拍咗幾耐？）一段時間啦，了解中，咁永遠都了解唔完一個人嘅。（圈中人？）唔知呢。（結婚先公開？）係呀，或者離婚先，哈哈！其實呢個世界唔係男就女，佢都只不過係我一個朋友。（平時出街表現唔親暱？）保守型。」並謙稱自己不算「乜都有」：「起碼我未結婚，又未生BB，呢啲要睇個天畀唔畀我。」

父母均有名氣，趙希洛坦言有一定壓力。	放大圖片	趙希洛與譚俊彥老友鬼鬼，拍床戲零尷尬。

訪問中，她多次中斷話題，只因涉及家庭背景：「當然我感恩有咁嘅家庭（父親是澳洲著名大律師，母親則是前藝人梁小玲），我哋生活好貼地，以前喺澳洲返學，都係行路或者搭火車。我唔想辛苦努力，但要同佢哋個名（家人）掛鈎，只希望憑自己嘅努力得到大家認同。」她坦言試過一年冇劇拍，又曾被前輩戚其義指「太幸福、缺乏人生經驗、演唔到戲」，她一直銘記在心，故寧願拍到冇時間瞓覺，也不想經常閒在家中。

加浴巾被笑肥

她於無綫熱播劇《十八年後的終極告白》演男主角譚俊彥女友，日前一集二人上演火辣床戲，趙希洛笑言：「呢場戲相當難忘，事關我要披浴巾演出，點知條巾接到手先發現好薄，我想攞多條加厚，就被人笑，話望落去肥咗好多！」