寰亞歌手蔡一傑唱得跳得仲煮得，愛好入廚的他最近日日炮製家常便飯，更在網上開設個人頻道《傑少煮意》，分享其自家製餸菜，傑仔明白不少市民因疫情留家減少外出，不能經常到街市買新鮮食材，他說：「所以我喺屋企隨手搵到啲材料，做出多款唔同嘅菜式，我平時下廚好隨心，唔會指定要煮乜，都係啲簡單嘅食材，花啲心思都做到健康又美味嘅菜式。」
