陳曉東影「隔離」寫真
歌手陳曉東早前帶同妻女返北京，要在當地的酒店接受14天隔離，日前已完成「疫監」的他，全家返屋企「團聚」，他在微博上載多張親自操刀的家居照。
他昨日接受本報訪問，表示由於所住的北京朝陽區有確診個案，故他與家人在家未有出外：「趁呢個時間同家人影吓相，發現小朋友真係大得好快，透過相機捕捉佢哋古靈精怪嘅一面，影低父親眼中嘅囡囡成長日記。呢個疫情雖然令大家行動受限，但都係一個機會，可以珍惜同家人相聚，同埋畀自己沉澱吓，係好好訓練心態嘅機會。一有負面嘅諗法時就諗啲正面嘢，要同自己講『keep alive』！」