為阻止新冠肺炎疫情蔓延，政府早前實施禁聚令及停業令，即戲院、健身室、美容院等高風險場所全部關閉，有關禁令再度延長14天，開按摩店的藝人鄧洢玲忍不住大呻：「睇到話又要延遲（重開）好激氣，一嚟就14日真係好慘，我覺得再睇7日都可以！依家諗緊再寫信同業主傾吓，有粉絲畀咗啲諮詢關於中小企向銀行借錢（資料），我會諗吓。」
而經營多間生煎包食肆的江若琳老公Oscar指禁聚令實施後，其生意額再跌20%，無奈為防疫都會遵從，但希望政府對業界提供更全面的幫助：「希望政府喺規管上做好啲，幾千呎同幾百呎嘅食店，係咪一樣都限制1.5米距離？細舖係咪有得斟酌吓？」他強調防疫要全港齊心才成事，除了業界及食客要自律外，政府亦應加強檢控違規者，否則便失去禁聚令的意義，他又表示已推出抗疫餐及多做外賣優惠自救。
開設餐廳的吳啟明則認為延長禁令冇問題，因為：「命緊要過錢！」至於為男友健身室擔任代言人的陳庭欣說：「我問過佢哋冇乜嘢睇法，目前係大家一齊抗疫為大前提！」戲院商黃百鳴亦表支持：「戲院配合政府多閂14日係啱嘅，但亦希望政府對戲院多啲補助，同埋各大業主減租，共度困境。」