周嘉洛黑夜山坡吊吊揈
藝人周嘉洛早前為無綫處境劇《愛．回家之開心速遞》開工，晚上於一處偏遠山坡取景，摸黑吊出斜坡仍毫無懼色，反而旁觀者吳偉豪和張明偉自爆是畏高族。
當晚周嘉洛與吳偉豪、張明偉、焦浩軒和林浩文等到西貢拍外景，劇情講到「金城安」周嘉洛僅用麻繩纏腰吊出山坡外，其他人在山坡上合力拉實麻繩。由於山坡頗高，嘉洛先看工作人員示範吊着下坡後，他才埋位拍攝，被吊上吊落多次，頗為牙煙。
「旁觀」的張明偉指劇情講到他畏高，他笑說實情亦是一樣：「我本身真係畏高，有時搭一、兩層高嘅扶手電梯，望番落去，已經手軟腳軟，手心冒汗，與生俱來有呢個恐懼。」身旁的吳偉豪亦說：「我都有少少畏高，玩到過山車，但企懸崖邊會手軟腳軟，企唔到5秒，會諗啲唔好嘢。」至於成晚被吊的嘉洛，自認大膽：「我個人乜都想試，最驚試唔到其他嘢啫！」