最近因為隔離防疫，不少夫妻增加摩擦！去年8月與女歌手Lauren Hashian結婚的美國動作男星狄維莊遜（Dwayne Johnson），網上拍片做「婚姻輔導師」，大談自身經驗：「我哋有窒對方，有鬧交……我哋都諗緊好多問題，好大壓力！結果我每日都要同老婆道歉，同佢講我呢個禮拜好難捱、呢日好難捱。雖然有爭執，但我亦睇到大家真係想解決問題，嘗試明白大家都好大壓力，對未知好恐懼，咁樣會影響大家關係同精神健康。」
他建議夫婦之間要多聆聽與溝通，最後不忘宣傳自家品牌龍舌蘭酒，叫夫婦和好後，飲杯酒去「製造」BB！