Yanny落力接柯打送外賣拉客

Yanny多得粉絲撐場，食店生意仍然頂得住。

事後，Yanny受訪時笑言平日都會到食店「搞搞震」沖咖啡，指生意在疫情大環境下有一定影響：「好彩我哋唔係開喺遊客區，依家都仲捱到，唔使結業住，我哋會一齊努力去守住。」目前主力谷外賣，因為工廠區有不少上班族減少堂食，希望做外賣加上折扣優惠，能夠吸引更多食客幫襯。

「疫」市唔敢開分店

食店開張近9個月，Yanny坦言仍未賺錢，本來漸上軌道卻因疫情又調頭下跌：「都有商場主動問我哋有冇興趣開分店，但暫時想做好第一間舖先。」問到是否落場做「生招牌」吸客？她表示做食店一定要食物好、服務好，才會有熟客返轉頭：「我呢個『吉祥物』幫到手都係啲粉絲好好，成日嚟餐廳食嘢。」

Yanny落手落腳執齊外賣，再到店外遞給客人。

Yanny請纓為客人量體溫，企在門口唔怕尷尬。