鍾舒漫借醉攞料問泳兒婚期

鍾舒漫（Sherman）日前到泳兒家中拍片玩煮飯仔兼摸酒杯底，談及酒後失儀，泳兒自爆飲醉會撩到人煩，又試過失控企在座廁上高歌。Sherman則自爆有次與泳兒、洪卓立和洪杰到加拿大朋友家食飯，狂灌威士忌出事：「我大笑，亂講嘢，又喺人哋張按摩椅瞓覺，之後佢哋Send咗啲相畀我，我擘大個口、瞇埋眼又反白眼瞓，最激氣係佢哋P過圖，張相叫『R.I.P.』。」