藝人陳山聰昨日到電台接受薛家燕訪問，二人大跳「抗疫十字步」。問薛家燕可會傳授湊B心得給山聰？她笑言：「我知道山聰每次都會陪太太去做產檢，好Sweet同溫暖，因為我佗3個，當年先生好少陪我做產檢，我個心好唔舒服。（勾起不快回憶？）唔係嘅，只係想話畀大家聽，陪太太做產檢好重要。」
提到BB將於暑假擇日開刀出世，山聰透露醫生提醒太太盡量留家休息：「因為疫情關係，同埋佗到一半，又係第一胎，所以想佢留多啲喺屋企。」
