孫慧雪「放監」攬仔瞓慶祝
孫慧雪因節目拍檔李君妍的同住家姐確診新冠肺炎，早前自發性住酒店自我隔離14日，近日終於放「疫監」！阿雪坦言隔離期間經常胡思亂想，最擔心傳染兒子及90多歲的嫲嫲。她出關後第一時間回家沖涼，之後才敢抱抱兒子解相思之苦，當晚一家三口睡個好覺就當是慶祝。
隔離喊咗幾次
經此一「疫」，阿雪最大感觸是要珍惜身邊人，多抽空陪伴家人及朋友：「隔離時同囝囝傾視像電話，喊咗幾次。佢問媽媽係咪去打病毒怪獸，我話自己畀怪獸捉咗，佢竟然話要嚟搵我，真係聽到喊！」
為安全起見，阿雪先後做了三次新冠病毒檢測，結果全部呈陰性才敢開工，「出關」後翌日就拍攝新劇《踩過界II》，她透露籌備了兩個月的購物網亦快開張：「原定隔離第一日開，但因為要隔離而改期。我每星期會開一次直播，每次以最低價賣幾款貨，全部有限數量。」