郭偉亮滑雪拍MV勁瘀

音樂人郭偉亮（Eric Kwok）昨日與太太葉佩雯（Grace）以「情侶裝」到電台宣傳新歌《Ripboy》，他表示新歌融合滑雪及唱歌，而MV亦去到很盡，有很多危險動作，笑言差點拍到粉身碎骨，但成功克服受傷的陰影：「有一幕由15呎高嘅崖跳落嚟，另一個就係花式滑雪，之前跌斷過手陰影好大，但有一幕要跳鐵通，結果我撻足3日，每日撻成十幾廿次，重複跌到個尾龍骨尾部，如果冇pat墊住我應該裂咗骨。」Grace亦戥老公心痛：「每日見到佢個尾龍骨好大撻瘀，都唔敢話佢聽幾大撻。」Grace今次亦有幫手搞航拍，但自爆首次試飛即「墜機」。