羅家英爆兩年冇閨房樂畀汪明荃「噴」

羅家英與汪明荃恩愛多年，到達神交境界！

炮製「情趣火鍋」

雖然要「坐監」，但羅家英坦言隔離生活又非想像般慘情，皆因老婆汪明荃安排他在大屋二樓、擁有獨立廁所的客房活動，閒時便睇波、睇書或跟學生網上操曲，而且日日有「阿姐靚湯」飲，更有花膠及鮑魚歎，又為他炮製「情趣火鍋」，膳食有讚冇彈！

• 羅家英笑言疫情嚴重，揸吓阿姐……手仔就夠。

兩人相愛32年、結婚11年一直恩愛，羅家英家中抗疫期間，老婆一直陪伴左右，問到隔離兩星期零接觸冇得攬攬，他竟自爆閨房事：「我哋兩年都冇啦！」及後即拉着汪明荃的手「補鑊」說：「好啦！握吓手好喇！唔好接觸咁多，呢排疫情嚴峻啊！」但汪明荃即刻噴酒精搓手液，笑言要注重衞生，大耍花槍。