施匡翹接禁令唔搞得「姊弟戀」

歌手施匡翹（Zaina）昨日孖師弟謝高晉到電台受訪，Zaina大呻好唔開心、好難過，因為真實年齡細高晉3歲，卻被稱呼做師姐：「真係要澄清！佢早過我入行，只係遲入公司。」高晉抵死笑說：「好認真咁叫，但喺銀幕上我就係師兄，有拍過電影。（師姐有過兩招畀你？）有！叫我唱得有感情啲、勤力練習。」作為今年樂壇新人卻遇上疫情侵襲，問到可有失預算？他卻表示信心十足：「唔介意，大家都需要正能量，就嚟會出新歌。」