鄭伊娜護肚坐「防疫監」

鄭伊娜與潘敬祖揀BB車。

為減低感染風險，夫婦全程帶齊「抗疫四寶」包括消毒濕紙巾、搓手液、消毒噴霧及撳(車立)神器傍身。肚凸凸但手腳依然纖瘦的Ena偕夫睇BB床及BB汽車安全座椅等，期間出現孕吐反應，要拉低口罩透透氣，Felix即上前為太太按摩。到餐廳用膳時，Felix緊張的清潔餐具，又餵愛妻食意大利麵，非常溫馨。之後他們到超市專掃營養食材，期間Ena再次作嘔，Felix即餵她食話梅止嘔並埋單走人。

感謝中醫父親照顧

Ena接受本報訪問，大方承認已懷孕三個月，暫時未知BB性別，坦言為保安全，減少外出：「除咗產檢，唔會點出街，因為依家疫情嚴重，屋企人唔想我出去。嗰日我係有老公陪先出一出去放風咋！買吓日用品同睇BB嘢，所以我哋高度戒備，帶齊抗疫用品出街！」在疫境下佗B，她坦言又驚又喜：「一知有咗好開心，但我妊娠反應幾大，成日都嘔，好在爸爸係中醫，畀啲安胎藥我，老公又煮嘢畀我食，成日陪我、安撫我。」

逛超市時，鄭伊娜突然孕吐反應，即順順心口。

潘敬祖錫住老婆，貼心餵食。