陳婉衡指網民唔尊重
白雲甫性感相被侮辱，令到不少同道中人力撐她！圈中不少有樣有身材的女藝人，都不介意將索相公諸同好，其中包括「無綫咪神」陳婉衡（Alycia）、「G奶」崔碧珈、「E神」陳偉琪、「人妻」李松蔓和「鋼琴女神」李元玲等，她們每逢出Po都極多Fans瀏覽！
對於白雲於網上遭到欺凌，Alycia昨日回覆說：「甫呢啲相其實好普通，外國好多Model都甫好多呢類相啦！唔明啲網民點解要用呢啲字眼，係好唔尊重！呢個係社交平台，每個人都有權甫任何相，又唔係傷害到人，點解要咁樣話佢，希望白雲唔好唔開心！外間人講乜我哋控制唔到，唯一控制係自己嘅態度，佢寫出嚟抒發係一件好事！」而崔碧珈亦說：「社交網係一個自由嘅地方，只要唔係三點盡露，都係甫相者嘅自由喜好，不過，自己都好好彩，冇試過收一啲好差嘅評語，所以冇好大感受，如果有嘅話，雖然我慣性睇留言，但我都唔會放私人感情落去，好嘅我會好開心，如果負面嘅，我會諗我又唔係做啲損人不利己嘅事，所以都唔會理！」