31歲日本女模泉里香，2003年同女星北川景子合演真人版《美少女戰士》劇集，不過星運平平，直至近年轉行性感後，事業先見起色！前日，佢一口氣推出美容書《RIKAtoZ》同寫真集《Madeira》兩本新作，實行男女通殺。
身材弗爆嘅泉里香第一次出美容書分享扮靚心得，雖然近期因為疫情冇得搞活動宣傳，但佢好識做，喺社交網分享變身谷胸女侍應嘅性感照，大晒D Cup上圍！