嘲隔離似坐監艾倫捱轟

新冠肺炎全球肆虐,美國同志名嘴艾倫迪珍妮絲(Ellen DeGeneres)日前在家中主持清談節目時發表隔離感受,笑說:「好似坐監咁,主要係因為我已經着住同樣嘅衫10日,而且呢度每個人都係同性戀(意指她與妻子)。」節目播出後,不少網民在社交網批評艾倫的比喻不恰當,有人嬲爆留言:「解除隔離之後,搞個網上簽名運動將佢送入真正嘅監獄,一個月左右先放番佢,或者佢會學識啲嘢。」亦有網民寸她已在超級大宅自我隔離,竟然都呻難受。

此外,荷里活著名女星珍妮花露柏絲(Jennifer Lopez)在家中接受艾倫訪問,直言疫情影響到她即將舉行的婚禮:「老實講,我依家真係唔知有咩會發生。我哋好似世界其他地方一樣靜觀其變,睇吓幾個月後有咩事發生。」