荷里活男神尊尼特普（Johnny Depp）2016年與當時老婆安芭赫德（Amber Heard）爭執，有傳他醉酒向安芭怒掟玻璃樽，其中一隻手指頭因此被割斷。安芭其後指控尊尼家暴，尊尼即作出反擊，稱實情是被安芭掟酒樽割斷手指頭，近日就有傳媒公開他於2018年作供時的錄影片段。
片中，尊尼指當初為了維護安芭才說謊：「當時我話手指被夾喺屋企嘅手風琴閘門中，根本就唔係咁，而係畀佢掟嘢時整親，佢向我掟伏特加酒樽！第一個樽掟唔中，擦過我耳邊，第二個樽更大，佢掟中吧枱。呢隻手指，我依家叫佢做『小李察』，呢個手指頭被削走，所有骨碎晒，就好似維蘇威火山（Vesuvius）咁凹陷，之後仲兩次受惡菌感染，好難搞！我只係想縫好隻手指，然後解決我娶嘅嗰個女人將我隻手指割斷呢個瘋狂問題。」