蔡思貝處女獻聲唔搵胡鴻鈞教路
藝人蔡思貝昨日於節目開金口唱歌，笑言未有向緋聞男友胡鴻鈞取經，又稱非五音不全，寧願自己練習，至於張振朗提議與她組成「思朗」組合闖樂壇。
蔡思貝、張振朗、楊明與何依婷等，昨日錄影無綫節目《流行經典50年》，思貝與振朗透露合唱楊千嬅的《小飛俠》，首次於節目獻聲的思貝坦言心情緊張，擔心表現未如理想，影衰新秀出身的振朗。問到可有向緋聞男友胡鴻鈞取經？她說：「如果呢啲都要畀心水，咁我日日登台賺錢啦！我係靠自己練習，等聲帶習慣唱歌。（驚走音？）唔會，我唔係五音不全，只係唔識開聲同唔夠氣。」
贊成停辦港姐
為了爭取時間練歌，她笑言與振朗近日開工時不停練習，幸好劇組同事評價不錯，笑言二人應組組合，振朗即建議取名「思朗」。對於今年因疫情關係而停辦港姐，思貝表示合理：「以大家健康為大前提，聚集咁多人有一定風險，公司決定好明智，冇咗一屆，但亦都成為一個經典。（今屆港姐連任好辛苦？）歷史性做兩年，呢個經歷帶畀佢哋寶貴經驗。」
楊明舞技尚可
至於楊明透露與劇集《機場特警》的好兄弟載歌載舞，笑言舞技尚可：「但係面對專業舞蹈員，都係做番演員好啲。」談到同劇的湯洛雯（靚湯）上載該劇NG片慘遭負評，他說：「其實呢排都有好多唔同嘅正面同負面評論，我控制唔到，就唔使太在意。（連累咗靚湯？ ）如果連累到佢，我咪請佢食飯囉！」