為將來打算 李施嬅宣布收兵名額得一個！
藝人李施嬅昨日到電台宣傳，剛坐完「疫監」的她坦言現時多了私人時間識朋友仔，為將來打算「收兵」。對於港姐因疫情停辦一年，港姐出身的她認為無綫作出此決家必定很心痛！
李施嬅與海俊傑到電台宣傳新歌《二次緣》，二人透露稍後會在節目《勁歌金曲》首次現場合唱，心情緊張的施嬅搞笑自爆一直唱錯歌詞。
趁空檔深入了解
她說：「唱Live有啲緊張，海仔唱歌好勁，到時要睇住我。原來我一直唱錯一個字，將『漸寒漸凍』唱成『漸行漸凍』。」海俊傑即笑說：「一直都冇人發現有呢個錯體版出現，咁可以考慮吓唱邊個版本喎！」
疫情下不少工作叫停，施嬅多了私人時間，笑言終有時間認識新朋友，問是否追求者眾？她笑說：「唔使多，一個就夠，以前太忙，連打個電話都冇時間，依家可以深入了解吓，可以為自己將來諗一諗。」
談及今屆香港小姐因疫情而停辦，港姐出身的她說：「無綫作出呢個決定，一定好心痛，下年繼續努力，再發掘新人，亦都等新人可以有更多準備。」海俊傑亦認同：「真實人生緊要過娛樂，舞台停一停都啱，唔止娛樂圈受影響，其他事業都大受影響，健康、生命為先！」