首開腔護「小三」戴志偉：佢係乖女！
被指背妻撻着「小三」Candy的戴志偉，日前被記者追訪時怒罵記者是垃圾，又反拍記者，昨日他接受本報訪問時首度開腔，直認之前有怨氣，要冷靜一下。談到與Candy的關係，他極力維護說：「佢係乖女，好無辜。」
轉職保險業的59歲前藝人戴志偉，日前被爆背妻偷食，搭上年輕一大截的公司同事Candy。事件愈傳愈爆，日前有讀者向本報爆料，指Candy早已有位關係親密的男友Terry，戴志偉可能被騙，陷入四角關係都不知情！昨日又再有人爆料，指Candy今年約35歲，中學時已是風頭躉，不停收兵，更有傳她未婚懷孕，兒子現已成年。
冇畀朋友「過目」
Candy本是保險公司內的一名秘書，其後考到保險牌才兼職做埋經紀，與戴志偉工作上基本沒甚接觸，故「偷食」一事爆出後，公司上下都大感震驚，不明為何二人會搭上，亦有指公司已將他們「隔離」，Candy亦禁足在家避難。至於戴志偉的Golf友及足球友透露，Candy這個「小三」從未露過面，每次打波或出埠，戴志偉都是獨行俠，太太與「小三」都不曾隨行。
力撐「好無辜」
記者昨日致電戴志偉，他終首度開腔回應，自言會處理事件，多謝大家關心。對於Candy被指未婚誕子，他維護說：「佢係乖女嚟！佢好無辜！（你同佢係咩關係？）係朋友，我依家自己都要冷靜吓先。」談及日前被追訪時激動反拍記者，他解釋：「之前積咗好多怨氣，依家冇嘢喇！希望大家畀啲時間我，之後我會處理呢件事，多謝關心。」