未開業先停業 倪晨曦押上成副身家諗計救亡
女神倪晨曦（Elva）籌備年半，去年12月與友人合資共五百萬元開瑜伽中心，試業期間撞正新冠肺炎來襲，禁聚令昨日又宣布延長至4月23日，未正式開業便告暫停，面前花盡心血的瑜伽中心空無一人，她可謂百般滋味在心頭，一個人玩空中瑜伽紓壓，她說：「一路Soft opening緊，延遲開幕到依家，所以都有幾個月。」
Elva自言差不多花成副身家投資，每個月營運又要六位數字，負擔不少。對於首次做老闆便遇上疫情打擊，會否感覺當黑？她說：「唔會，每樣都係鍛煉。」面對暫停營業的日子延長，雖明白但無奈，她覺得面前首要令人回復信心，故會加強消毒及減少每班人數：「好彩之前拍定三、四條片，依家好啱用，放上網畀人喺屋企學。我都會網上教，試過一次，但係我唔知自己做乜，好似對住空氣講嘢，唔係最鍾意零聯繫感覺，想快啲面對面教學生，之後我會每星期教兩班。」她表示現時已做盡求生方法，除了向業主要求調整租金外，亦已向政府申請補貼，她說：「鍾意瑜伽係一種熱情，唔應該因為疫情停咗運動熱愛程度。（疫情掩唔過你熱情？）冇錯，仲好有熱情。」