胡美貽於無綫劇《法證先鋒IV》中，被飾演她哥哥的吳家樂間接謀殺，使計令她長期服食迷幻蘑菇導致失常，自笠膠袋尋死，因為劇中描述整個死亡過程，她需要笠膠袋一段時間兼用力掙扎，不少網友指她與同劇要瞓入抽真空膠袋內扮死屍的謝芷倫一樣搏到盡，非常專業！
美貽表示拍攝該場戲的時候，用上四、五小時，因為膠袋很厚身，所以幾辛苦：「因為完全唔透風，雖然背面拮咗啲小窿，但一笠唔使十秒就見暈，拍完導演都問我有冇事，塊面青晒，同埋我拍嘅時候係自己索緊個膠袋，我真係特登索到好緊，希望出嚟效果更加逼真！」