一「脫」成名沈殷怡惡評當動力

陳欣妍則沒料到「最Hurt」的一次會換來另類讚賞：「導演先畀3吋長嘅鼻涕（片段）我睇，好擔心，點知大家讚我條鼻涕晶瑩剔透，男友（沈震軒）都話可愛。（佢睇完三點式片，叫你咁着陪佢行山？）嘩！唔使啦！哈哈！佢不嬲好支持我工作，知我尺度係健康性感。」又謂若有決策上的難題會問男友意見。

兩女又笑言節目令她們脫胎換骨，特別是零運動細胞、見光死的沈殷怡：「第一日要行12個鐘，真係好崩潰、想死，行到最尾好似行刑咁，但依家行山成為興趣。」而畏高、怕昆蟲的陳欣妍指10秒飛索最難忘，更耍手擰頭拒絕再玩。若「添食」，兩女均表示想出埠行山，勢做全球性山系索女。