王君馨對拍檔心動：想見佢多啲
藝人王君馨（Grace）與老公Daniel於2017年結束11年愛情長跑拉埋天窗，近日Grace拍片分享其愛情故事，透露二人早於19歲時已認識，曾一度分手近三年，直至23歲決定復合，並展開遠距離戀愛。她坦言二人分隔兩地時，身邊有不少誘惑，更重提曾經心志動搖，險些愛上同劇男拍檔：「其中一個男仔係我拍劇嘅Partner，我哋日日都會見面，成日都會諗住佢，真係開始對佢會有真感情，開始想照顧佢，想見佢多啲。」
Grace續指直至有日夢到對方，便開始自我反省，並向Daniel坦白，承諾除拍劇食飯外，不會與對方單獨見面。片段引起網友熱烈討論，更整合出三位「嫌疑人」，分別是曾與Grace飾演情人的沈震軒、袁偉豪，以及兄妹檔的陳展鵬。