胡曦文開「明星私竇」出關揀靚料豪裝
商界女強人胡曦文（Christy）防疫措施做到足，嚴守工作以外都會留在家中避「炎」的原則，但早前被發現罕有出關，在旺角砵蘭街及上海街一帶出沒！當日Christy與同行男助手戴着口罩，出入多間牆紙、窗廉、瓷磚及燈飾店，見她與店員有傾有講，交流意見外又用手機拍攝材料。難得親自出山，看來她為裝修選材一腳踢，肯定不是小Project。
出動私伙古董燈
Christy原本計劃5月與男友Joseph拉埋天窗，因疫情未明朗，婚事暫時延期，但未有透露時間表，事後問她是否為愛巢睇裝修？她笑說：「唔係，愛巢有排搞，疫情下要延遲。」並指為開「明星私竇」而做準備：「搞緊個Vip Showroom，招呼我啲明星朋友，想設計一個有法國情懷嘅地方畀佢哋聚腳！今次訂咗好多歐洲嘅裝修材料，仲會將屋企嘅古董燈攞埋出嚟，志在畀個地方佢哋舒舒服服嚟睇吓我啲法國腕錶同健康產品，將會係一個『打卡點』。」問到疫境下是否仍不計成本裝修？她說：「真的冇得計，好多嘢錢係買唔到。」
