犧牲老公色相 劉小慧「上床」做生招牌
劉小慧因在網上做直播吸納了大批粉絲，成為網絡紅人，不停有粉絲叫她搜羅更多產品，令她對網上銷售產生興趣，日前開設劉小慧生活百貨「得閒mallmall」，她說：「網上開頻道做小生意，老公同阿女都好支持，老公係精算師，仲話養咗我廿幾年，依家係時候回報番佢，等佢抖吓，我就做咗催眠師，用把口介紹產品，依家先發現自己唱歌唔得，但口才都好得，如果我早廿年發現，我諗已經成為咗富婆，商界女強人。」
劉小慧老公蘇志威做「背後的男人」，也出了不少力，負責網上拍片剪片工作，還要犧牲色相，同小慧親自示範產品，當中介紹床單時，兩公婆拿着床單扮「上床」，十分搞笑。由於是投資期，兩公婆為節省皮費，收貨、送貨、拍片一手包辦。
