《姊妹淘》換班傅嘉莉頂上做主持

莊思敏與傅嘉莉昨日在將軍澳電視城錄影節目《姊妹淘》，拍檔李君妍的家姐確診新冠肺炎引起恐慌，當中一齊拍外景的孫慧雪與蔡嘉欣目前已自我隔離，問到新主持傅嘉莉是否頂替蔡嘉欣？她說：「唔係，原本兩個星期前已經錄第一集，因為配音嘅時候有個同事有疑似嘅病徵，安全起見我都自我隔離，好彩冇事。喺節目會多咗出鏡，因為有疑似個案，監製為安全起見，安排咗有小朋友嘅孫慧雪、吳若希，連嘉賓楊潮凱都唔使拍住。（驚中招？）廠同辦公室都消毒咗，有同事發起團購快速測試盒，萬一有疑似個案都可以自己檢查。」有指李君妍明知家姐確診亦照開工，莊思敏說：「如果知道唔出聲就唔係幾好，但好似係拍外景嘅時候佢先知。」新婚的她又透露老公已返台灣打理生意，而她現時不能入境台灣，相信要分開兩、三個月才能見面。