余德丞處男揸船
余德丞主持的旅遊節目《台北101種玩法》近日於無綫J2台播出，他透露主要介紹大家比較少接觸的玩意：「平時大家去淡水都係睇情人橋同風景，但我今次去就揸船，有教練教。係我人生第一次揸船，感覺幾特別。」
他又稱初次整陶瓷：「一直想試，但喺香港的唔起心肝，今次跟咗一位陶瓷大師學整，過程幾得意，親手整咗個花樽出嚟。」笑言整陶瓷可以訓練耐性，很適合個性急躁的自己。身為吃貨的他表示食了很好味的牛肉：「啲牛肉朝早喺台南屠宰完，然後即日運上台北，因為仲有溫度，所以掉轉隻碟，啲牛肉都唔會跌落嚟，好神奇，真係好新鮮。」