留家避疫勤播種 陳智燊報喜再做老竇

陳智燊和宋熙年前晚分別在社交網上載和兒子Damon的一家三口照，相中他們拿着畫有三個人形公仔的圖畫，其中一個公仔的腹部畫了心心，代表正孕育小生命。宋熙年留言指近月作為母親又增添另一份責任，非常感恩多了家庭成員，認為抗疫時期首要做的是照顧家人及保護自己。而陳智燊則發文恭喜兒子榮升哥哥，又感謝太太在懷孕期間減少外出，他說：「我承諾當疫情過後，會帶你去更好的地方。」還感謝在這場疫戰中無私付出的前線人員包護醫護、巴士及的士司機等。

宋熙年：今次佗B攰啲

突然報喜，多位圈中好友如高海寧、李亞男、朱千雪及鍾嘉欣等紛紛留言祝賀，網友不但齊齊估BB性別，更笑指陳智燊宅在家中反而當了「播種者」造人成功！他接受本報訪問時難掩興奮說：「再做爸爸真係好開心，由於依家疫情好緊張，我哋惟有做好自己，留喺屋企，照顧好自己同屋企先。始終係第二胎，冇咁擔心，太太佗第一胎時都冇擔心，係我緊張，唔知點照顧佢，今次變相我會放鬆好多。」問到BB性別？他保持神秘：「大家估吓啦！」

至於宋熙年回覆指近兩個月已減少出街，盡量在家休息：「今次攰啲，冇佗Damon嗰陣咁精神，少出去可以減低風險，又可以用少啲口罩。喺屋企都唔悶，因為有個仔陪我。」