蔡思貝做完手術變「獨眼龍」
藝人王浩信、張振朗、蔡思貝及張曦雯等，昨日現身上水一所公祠，為無綫新劇《踩過界II》取景。現場見思貝「獨眼龍」沒化右眼眼妝，她自爆因生眼瘡做了個小手術：「之前拍喊戲，就咁用手抹眼淚、捽眼，可能細菌感染，一直又痛又痕都只係滴眼藥水，點知就腫起咗，仲有粒白色嘅膿頭，即刻搵眼科醫生，佢話我可能唔夠瞓、壓力大、免疫系統差咗，仲話如果我早啲去，食藥就冇事。（影響拍攝？）都冇嘅，好快會好番，如果播出就睇吓大家發唔發現到。」
劇情還有振朗型爆揸電單車接載張曦雯，將被困村民堆中的浩信救出。振朗笑指是成就解鎖：「難度一次比一次高，上一輯都仲係要用車軌去車浩信，今次終於係自己揸，希望下次車浩信。」另外，因疫情而取消原定的緬甸外景，浩信透露劇情上有少少改動，更預告稍後會去大澳取景代替。
