男友去過中招健身中心 張曦雯分房隔離
藝人張曦雯（Kelly）、湯洛雯（靚湯）及戴祖儀昨日出席電訊公司發布會，基於政府禁止4人以上人群聚集，故現場限制採訪人數，入場需量體溫、填寫健康申報表，傳媒亦需即場更換已準備的N94口罩。
Kelly早上拍完劇集《踩過界II》便趕到現場，笑言同劇的張振朗羨慕她於目前經濟低迷的情況下都有搵外快的機會，問酬勞是否很高？她只說：「疫情下都有工作就已經好開心o架喇！」她又透露外籍男友健身的地方早前有人確診，為安全起見，男友亦自我隔離14天：「我哋喺屋企FaceTime，佢自己一個睡房同洗手間，食飯就放佢門口。」
湯洛雯搞到甩晒皮
談到美國疫情嚴峻，再加上排華，問到可擔心居住當地的父母？Kelly直言父母近日也沒有開舖：「係擔心治安，因為當地係可以有槍，所以呢兩、三星期日日留喺屋企。」
而靚湯則表示近日經常消毒雙手搞到甩皮：「我多數留喺屋企個房自我隔離，冇乜同屋企人講嘢，本身同妹妹共用洗手間，都叫佢唔好一齊用。」