莊思敏得幾秒接觸唔擔心中招
有份主持《姊妹淘》的莊思敏受訪時表示李君妍已在節目群組中通知所有人：「佢話有屋企人確診。」又指上星期開工時見過對方，但接觸只是幾秒鐘：「我趕入廠、佢行出廠，打咗聲招呼，冇一齊錄同一集，所以我唔擔心，希望佢冇事，佢嘅家人都盡快康復。」
另一「鐵腳」主持吳若希（Jinny）昨日在發布會上坦言早幾日曾與李君妍拍檔錄節目，但未有太驚慌：「嗰時大家都冇嘢，我都唔知，公司冇正式通知我。如果佢都未確診，大家好似突然間就咁恐慌，搞到啲人好慘。」提到兩個老友胡鴻鈞與許廷鏗鬧不和，她聲稱不知情：「佢兩個同我擘面就真，不嬲打麻雀唔預我！（做和事老？）要睇佢哋咩事分開先，作為朋友，若果佢搵到幸福都戥佢開心，始終唔知真假。」