美國著名男歌手Chris Brown同好多人一樣正喺屋企自我隔離，但日前有女狂迷企圖闖入佢身處嘅加州大宅，全程畀Chris好友拍低。片段中Chris同狂迷相隔好遠，但就好驚死咁匿喺圍欄內淨係伸出個頭同企喺外圍草地嘅狂迷嗌交。Chris忍唔住大叫：「你都癲嘅！」狂迷九唔搭八反擊：「雖然你曾經係我嘅終身伴侶，但我從來唔鍾意你！」事後Chris留言暗示最後個狂迷畀佢飼養嘅狗趕走。