美國樂壇天后Britney Spears出名愛做運動嚟保持狀態，「停工不停操」嘅佢最近喺Instagram炫耀以5.97秒跑完100米，比世界紀錄保持者牙買加飛人保特嘅9.58秒成績快足3秒幾！佢仲騷埋手機顯示嘅紀錄，分享「秘訣」話關鍵係開始時出盡力。唔通佢真係跑得快過保特？咪玩啦！唔少網民暗寸佢吹水，後嚟Britney亦忍唔住篤爆自己「老作」，不過就留言叫人相信佢即將破其他世界紀錄喎！