早前被本報率先披露跟圈外女友Ivy申請結婚的藝人彭懷安（Eddie），昨日在社交網上載家庭照，原來是母親、妹妹及外甥們替他慶祝農曆42歲生日，惟未見準彭太Ivy出鏡。
相中Eddie既捧着蛋糕，又肉緊攬着母親合照，並留言：「每年農曆生日，都係娘親提我先記起，今年亦唔例外，疫情關係，最近少咗食佢煮嘅飯，今晚食番夠本，多謝娘親。」而其生日蛋糕上十分特別，寫上「疫境自強」及其原名「彭迪安」，他留言：「蛋糕上嘅疫境自強，除咗係自己願望之外，亦希望世界上每一個人，喺疫境上自強起來，個個都身體健康。」