趙勁皓 旗下酒吧員工確診

藝人趙勁皓（King）與友人合資經營的健身中心、酒吧及兩間餐廳在新冠肺炎疫情及政府新出爐抗疫措施影響下，近日全部暫停營業，禍不單行，上周六其位於尖沙咀的酒吧中一名員工確診新冠肺炎，King昨日接受電話訪問時說：「佢係新員工，返咗工一個月左右，負責洗杯，唔會接觸到客人。」King稱已接受檢測，報告呈陰性，全家正進行家居隔離：「我間酒吧全部21名員工都有做測試，部分報告已經出咗，暫時冇人確診。」談到所有業務暫停損失多少，他預計14日合共100萬左右。