日本富士電視台前晚炮製特備節目，搵嚟新木優子、石原聰美、松本穗香同廣瀨鈴鬥槍，爭奪免費餃子餐。當中聰美全程陪跑，五發子彈只得10分，穗香就有90分，而廣瀨鈴早排為新片《試死一次》練過射箭，眼力受過訓練，結果攞到140分！不過最終大贏家竟然係新木優子，睇落嬌滴滴嘅佢原來深藏不露，攞到190分，嚇到廣瀨鈴擘大個口得個窿！