楊證樺湯盈盈 留家抗疫點搞「髮」？
新冠肺炎疫情肆虐，不少人留在家中，莫講小朋友，連大人都不敢去髮型屋剪髮，楊證樺、湯盈盈、周家蔚等惟有親自操刀，更兼任子女的髮型師！
楊證樺為兩個兒子剪髮，見他拎起髮剪似模似樣，原來他曾在紐約做了6、7年髮型師，而現時除了做演員，亦有經營飲食業，百足咁多爪！他受訪時說：「疫情前會帶囝囝出去髮型屋剪，因為佢哋唔畀我剪，依家大個咗又OK喎。（老婆沈可欣嘅髮型都係你操刀？）老婆都係出面髮型屋整，不過有時開工急住，我就會幫佢整頭。」
周家蔚則表示替兩個兒子剪髮後，老公洪天明都想她出手。至於湯盈盈笑言通常沖涼前幫女兒剪髮，日前挑戰自行修髮，笑說：「嗰日剪完返廠，佢哋話我同豹哥（單立文）撞頭，好好笑！」