鬼王梁思浩 唔恨打入健力士
有「最帥鬼王」之稱的梁思浩，因主持靈異節目而在東南亞備受關注，15年來名利雙收，其中最令他自豪的，要數擁有兩層價值過千萬的單位，而他亦經常行善回饋眾生，他說：「咁多年嚟，帶咗唔少人睇心理醫生，或者佢哋只係思覺失調，未必次次都係撞鬼。我唔導人迷信，不過多年遭遇，亦遇上唔少怪事，我當自己係『靈界社工』，當係積福。好似之前去馬來西亞拍梁美玲案，最後死者同我講個兇手身份，我都盡力幫佢翻案。」
曾為有線拍了十多年靈異節目《怪談》的梁思浩，同類節目在新加坡播出，成為當地開埠以來最高收視節目。他最近為香港開電視添食100集《怪談》，節目將於農曆七月播映，他說：「喺東南亞不停添食到五百幾集，佢哋想幫我申請入健力士紀錄大全，但我唔想，因為十幾年嚟，拍呢個節目賺嘅錢已經送咗兩層樓畀我，係好好嘅回報，我唔想隨便消費呢個Icon，連鬼片我都唔會隨便拍。」