直播「拆信的故事」 陳柏宇變「費」青呻苦

歌手陳柏宇不時開Live與粉絲互動，更習慣每朝直播跟愛女Abigail食早餐的溫馨畫面。昨日，他心血來潮派「彩蛋」，即席「表演」拆信，但見他愈拆愈眉頭深鎖，原來收到「乸脷」電費單，不禁瞪大眼大叫︰「點解可以成三千幾蚊，有二千六蚊係按金？哈哈！最近係咁留喺屋企，冇錢喎，以後屋企唔准開燈！」又自爆收到「牛肉乾」，嘴扁扁指揸車出活動時被影快相要扣分，話口未完再度哀怨︰「又要交保險？唔係交咗咩？仲有Abi嘅戶口信，佢個戶口冇進帳，我仲爭佢幾千蚊未還。」原來指利是錢未過數。