連詩雅鬧爆逃疫監：見到會舉報！

藝人連詩雅（Shiga）昨日與黎紀君及邢慧敏拍攝飲食節目，Shiga自認廚藝不精，只會煲湯，故下廚工作交給紀君和慧敏，她則負責試食。面對不斷有新冠肺炎確診個案，Shiga說：「最近我有個超級好嘅朋友，同一個朋友喺日本食咗一次飯，點知對方之後確診，我好朋友知道後即刻去政府隔離中心，又去醫院做檢查，好彩最後冇事。（你有冇見過好朋友？）佢日本返嚟之後冇見過，仲諗住見。」
連詩雅自嘲廚藝麻麻，負責試食。
連詩雅自嘲廚藝麻麻，負責試食。

提到戴手帶的隔離人士被發現周街走，她說：「當然唔好，為自己為他人都唔應該，如果真係冇一個合理原因係幾難接受。若果畀我見到，我會打熱綫舉報佢哋。」至於開蛋糕工房的紀君，因疫情關係改為一對一教學，生意難免受影響。

三位靚女呼籲大眾留家煮食，減少外出。
  • 三位靚女呼籲大眾留家煮食，減少外出。